Ang biktima giila sa mga polis nga si Alfredo Daño, Sitio Mananga II, Tabunok daling gidala sa tambalanan tungod sa naangkon niining paso sa buko-buko og ubang parti sa lawas.
Ang suspetsado giila lang sa ngalan nga "Pahak" gikataho nga anak sa usa ka tag-iya og barber shop diha sa Sitio Nonoc sa maong barangay daling miikyas human sa maong hitabo.
Base sa imbestigasyon sa kapolisan sa siyudad nga si Pahak adunay personal nga bangi tali sa igsuon ni Daño.
Gisukmatan ni Daño si Pahak dihang nakita niya kini diha sa nahisgutang lugar ug nagkalalis ang duha.
Apan wala damha ni Daño nga dunay dalang asido si Pahak ug gikalitan siya niini og sablig apan swerte kay daling nakatalikod si Daño hinungdan nga ang likod nga bahin sa iyang lawas ang natugpahan sa asido.
Si Pahak padayon pa karon nga gipangita sa mga polis.