Sa report nga gipagawas sa Unicef human sa pagtuon kung ang usa ka babaye o inahan nabutang sa kinaut-utan nga posisyon sa iyang panimalay ug ang mga lalaki maoy kanunay nga mopatigbabaw dako kini og kadaut nga ibunga ngadto sa mga nagtubo niyang mga anak.
"Because women are primary caregivers for children, women's well-being contributes to the well-being of their offspring. Healthy, educated and empowered women are more likely to have healthy, educated and confident daughters and sons," asoy pa sa maong report nga gititulohan og State of the World's Children 2007.
Ang maong report gihimo pinaagi sa lawom nga pagtuon kabahin sa kababayen-an ug kabataan sa tibuok kalibutan base sa up-to-date nga mga nakaylap nga impormasyon ug resulta sa pagdukiduki sa United Nations kabahin sa kung unsa gyuy makaapekto sa pagtubo ug paglambo sa kabataan.
Dinhi sa Pilipinas, matag 100,000 nga manganak, 200 niini ang mamatay matag tuig dala sa mga balatiang dinala sa pagmabdos kini maoy labing taas nga kaso dinhi sa East Asia ug Pacific Region, sumala pa sa Unicef.
Samtang 88 porsiyento sa kababayen-an mabdos dinhi sa Pilipinas nga nag-edad og 15 ngadto sa 49 anyos nga bisag kausa ka higayon sa mga skilled health workers, 60 porsiyento lang ang naatiman sa mga doktor, nurses ug midwives atol sa pagpanganak.
Hinuon, kumparar sa ubang nasud ang kababayen-an sa Pilipinas susama ra sa naabot nga kinaadman sa kalalakin-an nga 93 porsiyento, usa usab ang Pilipinas sa mga nasud diin dunay dakong partisipasyon ang mga babaye sa pamilya ug panimalay.
Nasuta usab nga 4.9 porsiyento lang sa mga babaye sa Pilipinas ang miingon nga ang ilang mga bana maoy modesisyon kabahin sa ilang panglawas.
Tungod niini giisip sa Unicef nga kung magpadayon nga susamang patas ang pagtagad sa kababayen-an mobunga kini og dakong kalamboan sa kabataan ug ekonomiya.