Kini ang nasayran sa Banat News kang Mayor Thadeo Ouano sa pagpakighinabi nga gihimo sa miaging adlaw.
Matud pa niya nga ang maong gahin nga gikuha gikan sa calamity fund sa kagamhanan sa maong dakbayan ang ihatag sa mokabat 88 ka pamilya nga biktima sa maong lugar.
Gigahin kini sa kagamhanan sa maong dakbayan isip hinabang sa mga lumolupyo nga nabiktima sa sunog human sa pagkaugdaw sa ilang mga panimalay.
Subay sa resolusyon nga gipalabang sa mga sakop sa konseho nga ang mga tag-iya sa balay nga hingpit gyud nga naugdaw ang makadawat og P8,000 ug P4,000 usab ang madawat sa nakabaton lang og kadaut.
Ang maong kantidad nga ihatag sa kagamhanan sa dakbayan ang ipaagi sa pagpalit og mga materyales alang sa pagtukod na og ilang balay nga kapuy-an.
Ug ang mga nag-abang og balay nga lakip sa mga nabiktima sa maong sunog ang makadawat usab og P3,000 nga kantidad alang sa mga nga hinabang nga bugas, noodles ug uban pa.