Nahitabo ang insidente pasado alas 6 sa miaging gabii sa Sanchez Building dalan Sanciangko, Kamagayan ning dakbayan sa Sugbo.
Daling gidala sa Cebu City Medical Center human makaangkon og samad pinusilan sa walang kilay ang biktimang si Visminda Larase, 48, ulitawo ug nagpuyo sa naasoy'ng lugar.
Daling mi-eskapo ang suspek nga sa kapolisan mao si Eric Toquero hingkod ulitawo lumad nga taga Lalibertad Negros Oriental.
Base sa imbestigayon sa Homicide Section gipangulohan ni SPO3 Alex Dacua ug base usab sa informant nga si Welvin Geronimo, 20 ulitawo, kauban nga security guard sa suspek miasoy ngadto sa mga imbestigador nga samtang si Toquero morelibo na kaniya niadtong higayona.
Dihang iyang gihatag ngadto ni Toquero ang armas nga 38 revolver, gikatahong nakablitan ang gatilyo ug mibuto apan ang biktima nga diha sa sulod sa iyang beauty shop maoy naigo sa wala nga kilay.