Si PO1 Richard Talingting miila sa biktima nga mao si Romeo Becerel, 44, minyo, nagpuyo sa maong dapit ug ang suspetsado nga mao si Santiago Dianon, 34 anyos, ulitawo nga taga Sitio Tuba sa maong barangay sa nahisgotang lungsod.
Sa pagpakighinabi sa Banat News kang PO1 Talingting, nasayran nga gikan pa nga nanagat ang suspetsado ug nagdala sa isda nga iyang kuha kinsa giagda og inom sa ilang panimalay.
Dugang pa ni PO1 Talingting nga gipasakay ang suspetsado sa motorsiklo sa biktima apan gipakanaug kini dihang wala mosugot nga isumsom ang kuha niining isda sa iyang pagpanagat.
Nahitabo ang mainitong panaglalis ug misangko kini sa pagpanunggab sa makaduha ka higayon sa tiyan sa biktima nga maoy hinungdan sa paghilandig niini sa Vicente Sotto Memorial Medical Center.
Dali nga gidala ang biktima sa Vicente Sotto Memorial Medical Center sa dakbayan sa Sugbo ug ang suspetsado kinsa mitahan sa kapolisan gitanggon karon sa bilanggoan.