Nahitabo kini niadtong Sabado sa gabii sa Sta. Fe ug pagka Domingo sa Carcar, pulos sakop sa lalawigan sa Sugbo.
Unang nadisgrasya sa motorsiklo kinsa namatay ang drayber ug naangol ang backrider parehong gikatahong ubos sa impluwensiya sa ilimnong makahubog dihang kusog nga nagpadagan ug mibangga sa nag-parking nga pison daplin sa dalan.
Si PO1 Anthony Illut sa Sta. Fe Police Station miila sa mga biktima nga sila si Arthur Bayoy, 22, ulitawo ug nagpuyo sa Poblacion samtang ang backrider giilang si Ladislao Illustrisimo, hingkod ang pangidaron.
Nianang pasado alas 11 sa gabii niadtong Sabado si Bayoy maoy nagmaneho sa Ramas 110 nga motorsiklo ug giingong kusog nga nagpadagan paingon sa Poblacion subay sa provincial road sa nahisgutang lugar.
Apan kalit lang mibangga sa nag-parking nga pison diha sa daplin sa karsada hinungdan nga maayong pagkabuwag ug nangalagpot sa motorsiklo ang duha ka batan-on.
Tungod sa kakusog sa impak, si Bayoy nakaangkon og dakong samad sa lawas ang naangkon hinungdan nga gidali kini pagdala sa Bantayan District Hospital apan si Bayoy maoy nakabsan sa kinabuhi.
Samtang si Illustrisimo giingon luwas na kini sa makuyaw nga kahimtang.
Ang ikaduhang aksidente naglambigit sa panagbangga sa motorsiklo dihang usa niini mikawat og misimang sa pikas linya sa kalsada.