Ang mga biktima nga si Ana ug Mona (ngalan gipugngan) nagpanuigon sa 15 ug 13 parehong estudyante sa high school diha sa ilang lugar uban sa ilang inahan ug uyoan misumbong sa kapolisan sa lungsod kabahin sa gibuhat sa ilang amahan ngadto kanila.
Base sa imbestigasyon sa kapolisan nga ang magsuon kadaghang higayon kining gilugos sa ilang amahan apan wala dayon nila kini itaho sa awtoridad tungod kay gihadlok sila sa ilang amahan nga pusilon.
Sila si SPO1 Aurelios Lozano Jr., PO3 Alex Padin, PO2 Christopher Mendaros uban sa mga miyembro sa BIN kinsa maoy miresponde sa maong hitabo napakyas sa pagsikop sa suspetsado tungod kay nakaikyas na kini.
Si SPO1 Joel Pananganan, duty desk officer sa kapolisan sa Carcar mibutyag kagahapon nga ang unang insidente nahitabo niadtong Oktobre niining tuiga diin ang unang gibiktima sa ilang amahan si Ana ug ang kataposang insidente nahitabo niadtong Biyernes diin si Ana gilakip sa paglugos sa suspetsado.
Matud ni Pananganan nga atulon sa suspetsado sa paglugos ang iyang mga anak kun wala diha sa ilang balay ang iyang asawa tungod kay naninda kini og mga makaon sa lungsod.
Si Pananganan midugang nga ang mga biktima magpaubos sa medical examination aron makapasaka kini og kaso batok sa ilang amahan.
Ang kapolisan mipahigayon og manhunt operation batok sa supetsado.