Usa ka Jeronimo Cosido ang gihukman ni Municipal Circuit Trial Court Judge Cornelio Jaca nga mabilanggo hangtud sa duha ka tuig ug bayad nga P100,000 isip danyos ngadto kang Loot.
Si Cosido giingong nilitok og pulong nga, "kabalo ko, gikayat nimo ang mayor, Inday Malou Loot," ngadto kang konsehal Reuel Corro ug nadungog kini sa laing mga konsehal nga sila si Zenas Dublin ug Rex Novabos ug uban pa kinsa niluwat og mga pinanumpaang pamahayag ngadto sa korte.
Ang insidente nahitabo alas 10 pasado sa buntag niadtong Enero 11, 2003 samtang nangandam sa kasaulugan sa adlaw'ng natawhan sa igsoon ni Corro.
Giingong nibahad pa si Cosido nga iyang ipahibalo sa ubang kawani ug opisyal sa munisipyo ang maong buhat.
Gihimakak ni Cosido ngadto sa korte ang pamasangil apan wala kini nagsilbi gumikan sa paghatag og gibug-aton sa nagkatakdo nga pamahayag nilang Corro, Dublin, Novabos ug Eugene Corro, igsoon ni Reuel.
Ang akusado nakahatag lang sa iyang oral testimony ug walay documentadong ebidensiya.
Samtang gitugyan ni Loot ngadto sa korte ang pagpabayad sa danyos ni Cosido sanglit nasayod siya nga dili kini makabayad sa gusto niya nga kantidad.
Gipadayag ni Loot sa korte nga silutan lang si Cosido subay sa balaud aron dili na masubli ang krimin ug dili usab sundon sa uban.