Kini ang rekomendasyon ni Lapu-Lapu City Police Chief Supt. Louie Oppus ngadto sa buhatan ni PRO-7 Regional Director Chief Supt. Silverio Alarcio Jr. ug ni Cebu Provincial Police Office Director Sr. Supt. Vicente Loot.
Base sa maong rekomendasyon ni Oppus nasuta nga sila si PO1 Eugene Checa Altar (rehiyon 6) nga nadestino sa Mandaue City Police Office ug PO1 Robert Magturo, PO1 Dexter Vegafria ug PO1 Crispin Cajelo (rehiyon 6) nga nadestino sa Lapulapu Police Office gikasuhan og grave misconduct tungod sa pagpabuto og armas human manion.
Samtang laing kasong kriminal ang gipasaka ngadto sa piskaliya sa Lapulapu batok sa upat ka mga sakop sa FTP ug kini mao ang kasong Grave Threats ug Alarm and Scandal gumikan sa ilang pagpanutok ug pagpabuto sa ilang service firearms ngadto sa mga reklamante nga sila si Noel Alsisto ug Eldirico Malinao, mga residente sa maong dapit.
Kahinumduman nga si PO1 Altar mitahan sa iyang kaugalingon ug miangkon sa kapolisan sa Lapu-Lapu nga nagpabuto sa iyang .9mm service pistol ug kauban niya sila si PO1 Magturo, PO1 Vegafria ug si PO1 Cajelo gikan nag-inom sa gipuy-an sa ilang kauban sa maong dapit.
Base sa alegasyon ni Alsisto ug Malinao nga hubog ang mga FTP nga miagi sa ilang dapit ug kalit nga nagpabuto ang usa kanila sa iyang armas dala ang pagpanion ug hulga nga patyon sila kun kinsa ang mopalag niini.
Sa pagtaho ni Alsisto sa Lapulapu misibat kini apan walay suwerte kay usa sa ilang kauban mitug-an kun kinsa ang mga FTP personnel nga nalambigit niini.