Ang mananagat giila nga mao si Ian Roble Calsada, 30, ulitawo ug nagpuyo sa Sitio Tabok, Poblacion, Danao.
Base sa pasiunang imbestigasyon ni PO3 Glenn Manulat sa Danao Police Station nga usa sa mga residente sa maong dapit ang mitaho sa kapolisan nga adunay tawo nga wala nay kinabuhi sa maong dapit.
Sa pagsusi sa mga sakop sa ERUF gideklarar kini patay na.
Si Deliah Roble Calsada, inahan ni Ian, misaysay nga milakaw nga hubog ang iyang anak sa milabay'ng gabii ug mao na lang iyang nasayran nga napalgang patay ang iyang anak.
Matud pa ni PO3 Manulat nga adunay gamay'ng samad sa aping ang biktima apan dili kini samad dinunggaban o pinusilan hinungdan nga ipaubos kini sa autopsiya aron masayran kun unsay hinungdan sa kamatayon ni Calsada.