Base sa information nga gisang-at sa korte, si Garcia nakahimo sa maong kalapasan tungod sa pagpabuhat niini og propaganda nga "It's a no-contest" nga na-publish kini sa tabloid sa Sun Star Daily, usa ka publishing company nga gipanag-iya sa pamilyang Garcia.
Sobra sa tulo ka adlaw sa matag semana ang publication sa maong propaganda pag-promote sa kandidatura ni Garcia.
Base sa certification sa Commission on Election (Comelec) niadtong Enero niining tuiga nga sa ilang gipahigayong pasiunang imbestigasyon sa maong kaso nasuta nga duna kini "probable cause" hinungdan nga naduso kini sa korte.
Niadtong Mayo 2004, si Osmeña miduso og reklamo batok ni Garcia kabahin sa nahisgutang kalapasan ngadto sa Comelec.
Base sa gidusong reklamo ni Osmeña nga si Garcia mipa-publish og political advertisements sa upat ka basic category nga "Mayor sa Katawhan", "it's no-contest", "no to Tom Tax Osmeña".
Ang maong mga advertisement na-publish half page ang gidak-on sa tabloid.
Apan niadtong Mayo 11, 2005 miduso og supplemental motion for reconsideration si Garcia sa Comelec nga naghangyo nga ma-dismiss ang maong reklamo tungod kay wala kini "probable cause".
Si Orlando Carvajal, general manager sa Sun Star Daily miluwat og affidavit pabor ni Garcia.
Matud ni Carvajal sa iyang affidavit nga usa ka organisasyon nga nagpailang higala ni Alvin maoy nagpa-publish ug mibayad sa advertisement nga "it's no contest".