Ang biktima giilang si Julius Peñas, ulitawo ug walay trabaho nga nagpuyo sa maong dapit, samtang ang inahang nakapusil kaniya mao si Erma.
Sa imbestigasyon sa Danao Police Station natino nga nagkalalis ang inahan ug ang biktima ug sa kasuko sa inahan giingong mikuha kini og wala matinong kalibre sa armas ug gition kini ngadto sa iyang anak aron kini hadlukon.
Apan gikatahong sa kakulba sa inahan nakablitan niini ang armas ug naigo sa walang bahin sa dughan ang biktima kinsa gidali usab og dala sa Danao District Hospital ug gibalhin sa tambalanan sa dakbayan sa Sugbo.
Sumala pang SPO1 Luis Perales sa Danao police station gipaabot pa nila ang ubang mga kabanay sa biktima kung mopasaka ba sila og kaso batok sa suspek.
Samtang padayon gihapon ang gihimong imbestigasyon ug pagkuha og dugang mga testigo kabahin sa insidente. - Edwin Ian Melecio