Adunay mga sakyanan nga napagngan sa makina tungod sa pagkabasa niini sa tubig sa baha nga maoy nakapasamot sa pagkahinay sa dagan sa trapiko.
Adunay mga pasahero sa mga PUJ ug bus nga nagbagolbol ilabi na ang mopauli sa tagsa-tagsa nila ka probinsiya aron adto magsaulog sa kalag-kalag tungod sa pagkalangan sa ilang biyahe.
Kahinumduman nga ang problema sa baha matag mokusog ang uwan diha sa Bulacao dugay na og hangtud karon wala pa gyud kini masulbad.
Gawas sa Bulacao adunay mga barangay sa Talisay nga bahaan gyud matag uwan tungod kay ang siyudad wala pa kini drainage system.
Ang mga residente sa lugar nga apektado kaayo sa baha nanghinaot nga ang maong problema masulbad na sa kagamhanan sa dakbayan.