Matud ni CIDG-7 Director Sr. Supt. Jorge Corpuz nga usa ka semana na nag-estambay ang duha ka container vans nga unang gideklarar sa consignee nga mga construction materials.
Daling gi-alerto sa taga CIDG ang BOC-Cebu.
"After our informants told us nga positive' yong smuggled rice then we immediately asked Customs ipa-alert at i-hold yong mga container vans," si Corpuz miingon.
Sa pagduda nga dili mga construction materials, giablihan ang mga vans atubangan sa taga customs ug nasuta nga pulos sinakong bugas nga dunay tatak Lion Head gikan sa Vietnam.
Ang mga smuggled rice luwan sa MV Elena gikan sa Vietnam ug ang consigee mao ang Summit Furniture Design.
Matud ni Corpuz nga walay presensya sa kompaniya sa Summit Furniture Designs dinhi sa Sugbo.
Matud ni Nicomedic Cariño sa Office of the District Collector nga ila dayon ipaubos sa seizure proceedings aron ka-isyuhan og warrant of seizure and detention (WSD) ang kargamento.
Si Atty. Koko Holganza, hepe sa CIIS-Cebu nagkanayon nga wala nay makalusot nga smuggled nga bugas karon nga higpitan na sa customs ang pag-monitor niini. Gitugotan lang nga maka-import og bugas ang importer kun kumpleto kini sa dokumento, sama sa NFA clearance ug uban pang rekisitos alang niini.