Ang curfew sa mga batan-on sa nahisgotang dapit maoy usa sa gisugyot sa pipila ka mga ginikanan atol sa synchronized barangay assembly nga gipahigayon niadtong Sabado.
Matud pa sa mga ginikanan nga gibati na nila ang kabalaka sa nagkagrabeng kagubot sa mga fraternity sa dakbayan sanglit naghulga man kini sa kaugmaon sa ilang mga anak.
Si Konsehal Raul Cabahug, sakop sa konseho sa dakbayan ug district councilor sa maong dapit mipadayag og pag-uyon sa maong sugyot.
Gipasabot niya nga mahimong suliran sa kapolisan o barangay tanod ang ipatuman nga curfew sa mga batan-on tungod kay may mga ginikanan man nga moreklamo sa higayon nga madakpan.
Matud pa ni Konsehal Cabahug nga ang ikatampo sa mga ginikanan sa pagpatuman sa curfew mao ang paghatag og kahigayonan sa mga awtoridad nga mopahamtang og silot nga gitumong alang sa pagpatagam.