Ang tumong sa maong panagtagbo mao ang pagpangita og kasulbaran sa panagbangi sa duha ka pundok nga mikalas na og mga kinabuhi sa ilang mga sakop.
Matud pa ni Catabas nga ang kadagkuan sa duha ka fraternity sa dakbayan labing gikinahanglan ang pagpirmahay og peace covenant alang sa posible nga solusyon sa dugang pang mahitabong kagubot sa duha ka pundok.
Sa nasayran sa Banat News ang labing ulahing biktima sa panag-engkuwentro sa nagkaribal nga fraternity mao ang 15 anyos nga katabang sa tindahan sa Looc, Mandaue.
Ang biktima nga mao si John Pinus nga giingong nagtakos og bugas sa sulod sa tindahan kalit lang gipusil sa duha ka wala mailhing lalaki nga maoy nakaingon sa kamatayon niini.
Dugang nga nasayran sa Banat News nga bag-o pa nga nagpasakop sa Tua Gamma si Pinus nga gituohan sa kapolisan nga maoy usa sa mga hinungdan sa pagpamusil patay niini.