Matud ni Gayotin nga gipanid -an ang mga lugar nga posibling himuong taguanan sa Ozamiz boys.
Iyang gipahibalo ang grupo ni Jun Jalap nga taga Ozamiz nga maoy responsable kaniadto sa nahitabong pagpanulis gani nalutsan na kini og warrant of arrest sa korte.
Matud niya nga iya nang gipahibalo ang mga dagkong establisamento, mga bangko, ug ang money changer nga maoy kasagaran target niining mga grupoha nga magbantay kanunay sa higayon nga dunay tawo nga katingad-an og linihokan Ug mopahibaw gilayon ngadto sa kapolisan.
Si Criminal Intelligence and Investigation BureaU (CIIB) chief Supt. Pablo Labra II mikompirmar sa intelligence report nga nadawat sa iyang buhatan kabahin sa pag-abot sa Ozamiz boys nga matud pa nagplanong manulis na usab og mga bangko dinhi sa Sugbo.
Sumala pa ni Labra nga ang maong grupo gipanguluhan sa usa ka Roy Quimada nga kanhi banker nga matud pa maoy lider sa mga tulisan nga miigo sa Aspac Bank sa Tabogon duha ka tuig ang nakalabay.
Ang grupo ni Quimada ania na dinhi sa Sugbo apan padayon pa nilang gisuhid ang gilubloban niini, si Labra miingon.
Matud pa niya mopatawag siya og tigum sa mga tagdumala og bangko dinhi sa siyudad sa Sugbo aron pahibaw-on sa presensiya sa grupo ni Quimada.