Ang biktima nga 2nd year high school sa naasoy'ng lugar midangop sa kapolisan human sa hitabo ug gisumbong nga si Christopher Santillan, 19, nga taga Sitio Villa Gonzalo, Mansalang, Madridejos milugos kaniya daplin sa dagat.
Sa report ni PO1 Antonio Rayco, desk officer sa Madridejos Police Station, nasayran nga niadtong Septiyembre 15, ang biktima gidapit ni Santillan nga pakuyogon kaniya sa nahisgutang lugar.
Matud pa ni PO1 Rayco nga pag-abot sa baybayon, gitionan ni Santillan og kutsilyo ang biktima dungan ang pagpanghulga nga patyon kun moreklamo, hinungdan nga milampos ang paglugos niini.
Nasota sa pink room sa Vicente Sotto Memorial Medical Center nga nakuha ang pagkababaye sa biktima.
Si Santillan nga gipasakaan na og kasong pagpanglugos sa Provincial Prosecutor's Office gitanggong na karon sa prisohan.
Apan mihimakak kini nga milugos siya sa biktima. Matud niya nga aduna silay relasyon sa biktima.