Nagtingkagol sa kapolisan sa Talisay mao si Mico Padica, taga Alaska, Mambaling niining dakbayan.
Si Padica nasakmitan sa kapolisan sa Talisay og usa ka .38 kalibreng pusil nga dunay tulo ka buhing bala.
Si PO1 Gabriel Opoc Jr. polis sa Talisay mibutyag kagahapon sa Banat News nga si Padica miangkon nga miyembro siya sa Akrho.
Si Padica uban sa mga barkada niyang mga miyembro usab sa Akrho nga nag-inom diha atbang sa police station diin adunay mitaho sa mga polis kabahin sa pagdala ni Padica og pusil.
Uban sa iyang mga barkada nga mibiya sa nahisgutang lugar si Padica apan demalas kay mibalik kini sa lugar hinungdan nga nasikop kini sa mga polis.