Taxi gitulis sa 1 ka lalaki

Gitulis sa nagbinugtong nga lalaki ang usa ka taksi drayber ug gikuhaan sa tibuok adlaw niining kinitaan sa iyang pagpamasahero sa miaging gabii sa dalan A.S. Fortuna, Banilad sa dakbayan sa Mandaue.

Ang biktima mao si Danilo Elcarte, 35 anyos, minyo nga taga dalan V. Rama sa dakbayan sa Sugbo ug driver sa Holiday Taxi nga nagdala sa plate number GWL 820.

Si P03 June Mondejar sa kapolisan sa Presinto 3 sa Casuntingan Police Station nga gikahinabi sa Banat News miingon nga ang biktima mihangyo nga magpahatod sa sikbit nga barangay sa Cabancalan.

Naglingkod kini sa luyo apan pipila ka metros pay gidagan sa taxi kalit lamang nga gitionan ang biktima og armas dungan ang pagdeklarar nga tulis hinungdan sa paghatag nalang sa iyang P800 nga kita.

Angsuspek daling mibiya sa lugar human sa hitabo. - Romeo T. Limpangog