Nasuta nga duha sa maong overseas Filipino workers mga taga Sugbo.
Unang midangop sa ABS-CBN Cebu ang mga paryente nilang Aldwin Pardillo, 34, ug Ian David Ang, 26, nga taga Ward 4, Minglanilla, Cebu.
Niadtong Hulyo 14 ug 19, mibiya si Pardillo ug mga kaubanan paingon sa Dubai aron manrabaho.
Apan maoy nabalitaan sa ilang pamilya dinhi sa Sugbo nga gipangpriso sila sa Dubai human nasuta nga peke ang ilang mga pasaporte.
Si Monalisa Pardillo, asawa ni Aldwin, nahibulong nganong na-peke ang ilang pasaporte. Sumala pa niya nga miagi sa insaktong proseso aron lang makakuha sa maong mga pasaporte silang Pardillo.
Lakip sa nahibulong si Chona Abellano, igsuon ni Aldwin, nganong na-peke na ang ilang mga pasaporte.
Matud sa mga nagreklamo nga usa ka Ruby Gengson ang giingong konektado sa Chime Agency ang mi-recruit nila ni Pardillo ug mga kaubanan.
Nabalaka karon ang mga paryente dinhi sa Sugbo tungod sa ilang sitwasyon nga inay makatrabaho napriso na hinoon.
Matud ni Luzminda Rebojo, iyaan ni David Ang, nga angayan susihon sa Department of Foreign Affairs nganong na-peke lang sa kalit ang ilang mga pasaporte.
Si DFA 7 director Angel Espiritu miawhag sa mga tagtungod nga mobisita sa ilang buhatan aron makakuha pa sila og dugang kasayuran ug ma-imbestigahan ning ahensya nga mi-process sa ilang passport.