Kini maoy reaksyon sa opisyal kabahin sa pamahayag ni Dakay sa media nga "well-trained" ug "binayran" ang mga vigilante sa pagpatay og mga ex-convict.
Nagsugod ang vigilante killings niadtong Disyembre 22, 2004 diin sagad sa gipangtumba mga kanhi dunay mga rekord sa bilanggoan sa kasong pagpanulis, pagpangawat, isnatser, kasong murder ug drogas.
Sa maong mga insidente pipila lang ang naka-survived sa pagpamusil, apan bisan paman niini walay bisan usa sa maong mga kaso ang nasulbad sa Homicide Section.
Si Gayotin sa pakighinabi sa mga tigbalita nagkanayon nga dako ang matabang ni Dakay lakip na ang ubang sektor nga gustong motabang sa kapolisan sa pagsulbad sa maong mga kaso.
"I am not challenging him but inviting him to give us clues nga makatabang sa pagsulbad sa problema,"asoy pang Gayotin.
Si Dakay nagkanayon nga base sa impormasyong iyang nadawat mga sharpshooters ug sinuholan ang mga vigilante maong dili sila magduha-duha sa pagpatay og mga ex-convicts ug mga badlungon sa katilingban.
Si Gayotin sa iyang bahin mipakagamay niini, tungod kay matud pa niya dunay mga vigilante style attacks nga mi-survived ang biktima.
"I don't think nga trained gyud na sila, because we have survivors, if you are trained sharpshooter you will not leave the target alive," pamahayag pa sa opisyal.
Matud pang Gayotin nga maong hingigo ang mga vigilante gumikan usab sa distansya dihang ilang gibirahan ang ilang biktima, sagad sa mga biktima gidul-itan og pusil sa mga vigilante ug gani tiwasan pa kini.
Sagad sa moatake ang mga vigilante, duha ka tawo nga magsuot og bonnet sa nawong ug sapawan og crash helmet sakay og motorsiklo ug parehong armado og kalibre 45 pistola, ning mga ulahing pagpamatay duha na ka motorsiklo sakay ang upat ka tawo, back-up ang laing duha samtang ang laing usa maoy mobira.
Matud pang Gayotin nga gihimo sa kapolisan ang tanan aron kapugngan kining mga panghitaboa apan iyang gireklamo nga walay kooperasyon ang komunidad sa ilang imbestigasyon.
Sagad sa mga kabanay sa mga biktima di na motambayayong sa mga nag-imbestigar nga mga polis ug ang uban wala gyud magpakabana.
Ang pagsulbad sa krimen gikinahanglang dunay kooperasyon gikan sa habig sa komunidad ngadto sa kapolisan.