Ang biktima giilang si Ruswart Ramirez, 16, residente sa Back Rubberworld sa Basak-San Nicolas ning dakbayan, kinsa napalgang nagbitay diha sa ilang balay sa iyang mga igsuon niadtong Lunes sa hapon.
Sumala pa sa mga maguwang sa biktima nga sila si Flordeliz ug Romeo pag-abot palang nila sa ilang balay nakugang nalang sila nga nagbitay na ang ilang manghod diha sa ilang kisame.
Ang biktima migamit og usa ka pisi nga gihikot sa iyang liog ug gigaid ngadto sa usa ka kahoy sa sagunting sa balay.
Daling gidala ang biktima sa iyang mga igsuon sa Cebu City Medical Center apan gideklarar kining dead on arrival.
Sumala pa sa imbestigasyon ni SPO1 Rey Cuyos sa Homicide Section ang biktima sayo pa nianang adlawa gikasab-an sa iyang inahan tungod kay kini nahibaw-ang moinom na og ilimnong makahubog.
Walay nakitang foul-play ang mga imbestigador sa paghikog sa biktima, ang patay'ng lawas niini gidala na sa St. Bernard Funeral Homes.