Ang gitulis alas 4 pasado ang takna sa hapon niadtong miaging adlaw mao ang Werleys Motors Plaza sa dalan A.C. Cortes sa Alang-Alang, Mandaue.
Si Joseph Balundo ug Charle Bermudez nga mga kawani sa nahisgotang display center sa motorsiklo sa nahisgotang dakbayan maoy dali nga nakapangayo og panabang sa kapolisan.
Si SPO1 Pedro Sucion ug mga kaubang sakop sa Presinto 1 sa kapolisan sa maong dakbayan maoy dali nga nakatubag sa maong alarma.
Sa ilang paghidangat ni SPO1 Sucion maoy ilang nasayran nga nakasakay na ang mga tulisan sa nagpaabot nga motorsiklo.
Sa Bermudes ug Balundo nga gikahinabi nila ni SPO1 Sucion miingon nga pulos naghupot og mugbong armas ang duha ka tulisan nga kalit lang misulod sa ilang tindahan.
Dugang pa sa mga biktima nga gitangtang sa maong mga tulisan ang taptap sa ilang mga nawong dihang nakatalikod na kini kanila ug nagdali sa pagsakay sa motorsiklo.