Way kompyansa-78IB

Wala'y kompiyansa ang militar batok sa mga rebelde bisan niminus na ang ilang gidaghanon ilabi na dinhi sa Sugbo.

Kini ang gipadayag ni Lt. Col. Jesse Alvarez, ang commanding officer sa 78th Infantry Batallion sa Philippine Army nga nagbase sa lungsod sa Sogod, amihanang bahin sa lalawigan sa Sugbo.

Gipasabot ni Alvarez nga samtang niminus ang gidaghanon sa mga rebelde, gipadaghan usab niini ang ilang legal fronts sa mga walhong pundok.

Mibutyag sab si Alvarez nga ang nahitabo nga pagpamatay sa mga aktibista dili binuhatan sa kasundaluhan kon dili nagpakita lang sa internal nga power struggle ug problema sa mga grupo sa rebelde sa nasud.

Ang opisyal niingon usab nga ang katawhan daku kaayo og ikatabang sa pagsumpo sa terorismo pinaagi sa pagmabinantayon kanunay sa mga kadudahang tawo sa ilang lugar.

Sa nasayran, ang 78th IB ninglampus sa pagpuhag sa mga rebelde nga nagkampo sa hilit nga bahin sa barangay Dalid, lungsod sa Tabuelan human nitaho ang usa ka sibilyan ngadto sa mga sundalo sa presensya sa mga rebelde sa nahisgutang lugar.

Show comments