Ang biktima mao si Rolito Cuyos, 62, samtang ang suspetsado mao si Danilo Cuyos, manghod sa biktima. Ang duha managsilingan sa maong dapit.
Base sa pamahayag ni Lordelyn Cuyos, anak ni Rolito, sayo pa niini nagkalalis na iyang amahan ug si Danilo gumikan sa away ni Pacquiao ug ni Larios sa Araneta Coliseum sa Quezon City.
Human sa Pacquiao-Larios fight mga alas 5 sa hapon nagkita ang managsuon sa usa ka tindahan sa ilang dapit ug sa dihang gitawag ni Danilo si Rolito giduol kini sa iyang amahan ug sa kalit lang gibato kini ni Danilo hinungdan sa pagkaigo niini sa iyang ulo.
Si Rolito gidali pagdala sa Vicente Sotto Memorial Medical Center, hinuon luwas na sa kakuyaw samtang si Danilo padayon pa kining gipangita sa kapolisan sa Consolacion.