Gitakda ang maong public hearing human gipaboran sa giduso nga committee report ni Konsehal Edgardo Labella tsirman sa committee on laws ang legalisasyon sa tigbakay.
Gipahibalo ni Fernandez ang publiko nga interesadong mopadayag sa ilang sentimento kabahin sa plano nga makahimo kini sa pagtambung sa maong public hearing.
Ang mogawas nga sentimento sa publiko may labot niining maong balaodnon mao unya kini basehan sa himoong final deliberation sa konseho aron aprobahan o dili ang maong ordinansa.
Nasayran nga niadto pang tuig 2001 unang gipasar ni Fernandez ang maong ordinansahon apan wala kini ma-aprobahi human mipagawas og sukwahi nga opinyon kaniadto ang kanhi City Attorney nga si Atty. Ramiro Madarang.
Gibutyag ni Fernandez dihang nahinabi sa Banat News nga laing hinungdan nga nalangay niya ang pagduso alang sa pagbanhaw sa maong ordinansa gumikan kay mipahigayon siya og subsob nga konsultasyon sa publiko may labot ning maong tinguha.
Usa sa nakakumbinsir sa konsehal nga ipadayon ang planong legalisasyon sa tigbakay human nakadawat kini og daghang report nga mga polis ang sagad makapahimulos sa kinawat-kawat nga tigbakay sa matag pista sa kabarangayan.