Ang kadagkuan sa City Traffic Group nga gipangulohan ni Chief Inspector Marlou Martinez mihatag og pagtugot nga matak-opan alang sa mga sakyanan ang dalan David Sy Gaisano Street matag gabii gikan niadtong petsa 16 sa milabay'ng Biyernes hangtod kagabii.
Ang maong dapit nahimutang pipila ra ka lakang gikan sa sports complex sa barangay Tejero, samtang ang David Sy Gaisano Street mao kanang karsada nga nahimutang daplin sa sapa-sapa gikan sa Blessed Sacrament Church.
Sa usa ka tigum sa mga sakop sa Citom Board, gitataw g'yod nga walay karsada nga tak-opan tungod lang sa pagpahigayon og kalingawan. Hinoon ang maong karsada dili na kaayo agian og sakyanan panahon sa gabii.
Si Kapitan Leto Fajardo sa Tejero namahayag nga giuyonan lang usab niya ang awhag sa usa niya ka konsehal tungod kay ang maong karsada dili na kaayo sagad agian sa mga sakyanan gikan sa alas otso ngadto sa alas 12 sa gabii.
Apan nabantayan nga dili ra kay kini rang kasoha diin ang traffic group mihatag og paborable nga sugyot aron makalukat og permiso gikan sa City Hall.
Ang konseho sa dakbayan maoy mohatag og pagtugot nga ang usa ka karsada matak-opan alang sa usa ka pampublikong kalihukan.