Kini ang gipadayag ni Felomino Lim, ang pangulo sa Filipino-Chinese Chambers of Commerce and Industry atol sa Kapihan ni Ate Glo sa Norkis Center sa North Reclamation Area kagahapon.
Matud pa ni Lim nga gikan sa mayor sa usa ka dakung siyudad ang maong impormasyon.
"Simbako og tinuod," nagkanayon si Lim.
Gipasabot ni Lim nga bisan duna la'y duha nga terorista nga nakasulod sa Sugbo, daku na kaayo kini og kadaut nga mamugna kun mohimo og terorismong kalihukan.
Usa sa apektado kun mahulga ang kalinaw ug kahusay sa Sugbo mao ang pamatigayon, sumala pa ni Lim.
Gani, matud pa niya nga matag adlaw nga dunay balita sa patay sa dakbayan sa Sugbo nga mapatik sa mga pamantalaan, alang sa taga Sugbo, ordinaryo lang kini apan makapahadlok sa dili taga Sugbo.
Gihulagway hinuon ni Lim nga dili kaayo samok ang sitwasyon sa Sugbo.