Si SFO1 Frank Donoso ang duty fire investigator sa pakighinabi sa Banat News mitug-an nga nagsugod ang sunog diha sa balay ni Winnie Tapales, kinsa niadtong tungura diha sa ikaduhang andana sa ilang balay natulog.
Matud pa nga ang iyang mga anak nga sila si Rogelio ug Ronel mao nay mipukaw kaniya ug mipahibalong nagdilaab ang ilang balay hinungdan nga nagdali sila og kanaug.
Apan ang tulo namalik og sulod sa balay kay dunay importanteng butang nga gibalikan sumala pang Donoso hinungdan sa ilang pagkapasong tulo.Laing napaso mao ang magkabanay nga sila si Sianes Uy,23, ug Presley Uy.
Matud pa sa mga Tapales nga electrical ang hinungdan sa pagsiga sa balay apan si Donoso mitug-an nga himuan pa nila kini og lawom nga imbestigasyon.
Ang maong sunog gialarma alas 11:16 sa buntag ug nakontrolar sa mga mirespondeng mga bombero human sa 18 ka minutos human maisa ang third alarm, sanglit sagad sa mga balay ginama sa kahoy.