Matud pa ni Dr. Michael M. Cono, superintendent sa Lapu-Lapu City Schools Division (LCSD) nga matag usa sa 23 ka sekondaryang eskuylahan sa Lapu-Lapu City gipanghatagan kinig tag 20 ka mga computer sheets.
May mga speech laboratory usab ang maong mga eskuylahan nga ang tuyo niini mao ang pagbaid sa pangutok sa tanang estudyante aron mahanite sila sa pagsulti Eninglis.
Matud pa ni Cono nga gawas niini, naa pay eskuylahan sa maong dakbayan nga ginganlan og Science and Technical Education Center (STEC) nga maoy una sa iyang matang dinhi sa rehiyon nga sa pagkakaron gikopya usab sa Danao City Schools Division.
Alang kang Cono nga ang mga estudyante sa maong eskuylahan pulos mga pinili uban usab sa mga magtutudlo niini.
Miingon si Cono nga kini bunga sa kadaghan sa mga negosyante nga misagop sa programa nga "Adapt a School Program" nga naglakip sa Aboitiz Group Foundation Inc. AGFI, Lex Mark, Mactan Export Processing Zone ug daghan pang mga non-government organization (NGO) ug labaw sa tanan ang lokal nga kagamhanan sa maong dakbayan.
Busa alang kang Cono, dili mabintahaan ang Lapu-Lapu City kon hisgotan ang bahin sa mga kahimanan sa edukasyon. - Wen Celen