Kaslonon giluba patay

Naligo sa kaugalingong dugo ang usa ka kaslonon human gidunggab ug igo lang gyud nga nakaabot sa balay sa iyang hinigugma una pa namatay niadtong miaging gabii sa Nalhug, Dalaguete, mga 22 kilometros gikan sa Poblacion sa maong lungsod.

Si Richard Lopez, 30, lumad nga taga Mindanao ug kasamtangang nagpuyo sa Banilad, Mandaue, gikang nakig-inom sa mga bag-ong higala sa dihang giatngan sa wala mailhing mamumuno ug gidunggab.

Si PO1 Oliver Ortega sa Dalaguete nagkanayon nga kaslonon unta si Lopez sa hinigugma niining si Cecilia Villa nga lumad nga taga Nalhug, Dalaguete.

Matud ni PO1 Ortega nga wala gyud mailhi ang mamumuno ni Lopez.