Si acting City Attorney Rodulfo Golez niduso na og motion for execution of judgement duha ka semana na ang milabay aron mopagawas na si RTC Judge Ireneo Lee Gako Jr. sa writ of execution aron ikapatuman na sa hingpit ang desisyon sa korte.
Una nang mipakanaog og desisyon ang korte pipila ka bulan na ang milabay nga ilegal ang pagpuyo sa maong mga pamilya diha sa maong condo sa dakbayan.
Samtang si Mayor Tomas Osmeña sa iyang bahin mipadayag nga gipaabot nalang niya ang writ of execution sa korte aron ipatuman na ang pinugsanay nga pagpapahawa sa maong mga pamilya nga nagpabilin sa maong condo.
Nasayran nga gikan sa kapin sa 80 ka pamilya nga ilegal nga nagpuyo kaniadto sa maong condo wala na maka-abot og napulo ka pamilya ang nagpabilin karon sa condo tungod kay napugos kini sa pagpahawa human gipaputlan kini sa siyudad og suplay sa kuryente ug tubig.
Gihingusgan ni Osmeña ang pagpapahawa sa maong mga pamilya gumikan kay plano niya nga -irenovate ang condo aron gamiton kining extension sa Cebu City Medical Center ug uban pang katuyo-an sa siyudad.