Sunog milamoy sa restobar
Gibana-banang P100, 000 ang gilamoy sa nahitabong sunog sa usa ka restobar sa Banilad niadtong Huwebes sa kaadlawon.Gituohang faulty electrical wiring ang hinungdan sa sunog sa Club 17 nga gipanag-iya ni James Philip Tiongco alas 2:30 sa kaadlawon ug nakontrolar dayon. Giingong dugay nakaresponde ang Talamban Fire Station binsa giunsa pagtawag sa telepono. Apan gipanghimakak kini ni Cebu City Fire Marshal Ismael Codilla sa pakighinabi sa Banat News, matud niya nga wala makontak sa security guard ang fire station kay ang telepono nga iyang gigamit sa distrito lang sa Mandaue makakontak imbes nga ang lokal hotline 160 sa kabomberohan, laing concerned citizen na ang nakakontak sa fire station. - Esther Joy Bornales