Ang namatay mao si Ging William Jordan, 24, ulitawo nga taga Suba, Liloan ug gituohang sakop usab sa laing fraternity.
Si SPO1 Danilo Latusa sa kapolisan sa maong lungsod nga gikahinabi sa Banat News miingon nga ang biktima maoy naigo dihang ang laing pundok sa mga batan-on kalit lang namusil.
Ang laing batan-on nga si Emilou Tundag nga taga Catarman, Liloan ug kuyog sa biktima miingon nga gidul-itan ang ulo sa biktima sa sumbohan sa armas sa wala mailhing suspetsado nga nagpusil nga maoy nakaingon sa hinanaling kamatayon niini.
Ang pundok nga namusil dali kaayong nakasibat pahilayo ug wala kini nila maabti sa ilang pagtubag sa maong dapit.
Dugang pa niya maoy ilang pagtuo nga ang maong pagpamusil maoy sumpay sa kagubot sa mga batan-ong pundok sa fraternity nga ilang gialarma alas 9 pasado ang takna sa gabii.