Ang biktima kinsa gidali og dala sa Cebu Doctors Hospital giilang si Lohny Eresuelo, 28, molupyo sa Ermita Beach, sa Ermita ning dakbayan human kini gipusil sa duha ka mga suspek nga daling misibat sakay sa motor.
Base sa imbestigasyon sa Homicide Section, ang guwardiyang si Julius Mangubat, nga nagbantay diha sa usa ka coffee shop sa nahisgutang lugar maoy nakakita sa mga suspek nga daling miikyas subay sa dalan Avila samtang diha na niya nakit-an ang biktima nga nagbuy-od sa dalan.
Matud pa sa kapuyo sa biktima nga si Lanny Beltran, nananghid kaniya ang biktima pasado alas onse sa gabii niadtong Sabado aron mangita og kustomer gumikan kay ang pagka - callboy niini maoy iyang pangita.
Wala usab masayod si Beltran kun unsay rason nga gipusil ang iyang kapuyo. Si Eresuelo namatay pila ka gutlo diha sa naasoy'ng tambalanan gumikan sa grabeng mga igo niini sa ulo.
Nakuha diha sa crime scene mao ang 6610 nga cellphone sa biktima, pitaka niini nga may ID sa biktima ug usa ka itom nga bullcap.