Sa tulo ka suspetsado duha ang nadakpan ug ang ikatulo nilang kauban ang nakaikyas kinsa tulin pa sa manatad nga midagan sa pipila ka gutlo nga ginukdanay.
Ang duha ka dinakpan mao sila si Ian Pepito, 22 anyos, ulitawo nga taga barangay Tejero, siyudad sa Sugbo ug Rey Labandero, 25 anyos, minyo nga taga Tayud, Liloan, Cebu.
Samtang usa ka Noren Laurente nga laing kauban sa duha ka dinakpan kinsa tulin pa sa manatad nga midagan milampos gayod sa pag-ikyas sa gihimong ginukdanay.
Ang tulo mihimo sa pagrikisa sa kalawasan sa biktima nga si Ronnel Caranza, 23 anyos, ulitawo nga taga Hermag Village, Basak, Mandaue.
Matud pa ni SP01 Robert Hugo sa Presinto 3 nga gikahinabi sa Banat News nga naglakaw si Caranza gikan sa trabaho sa maong dapit ug gisugat sa pagrikisa ang tibuok lawas.
Ang cellphone sa biktima ug ang gisambilay nga bag nga gisudlan sa kuwarta nga P700 gilakip usab sa pagkuha ug naglumba sa pagpanagan dihang nakamatikod sa nagpaingon nga mga barangay tanod ug nanagan pahilayo.
Ang duha ka dinakpan gitanggong karon sa bilanggoan ug gitakdang pasakaan og kaso ngadto sa korte karong adlawa .