Ang suspetsado mao si Marcelino Dacara alyas Eloy, minyo nga lumad nga taga Malabon, Metro Manila ug nagpuyo sa maong dapit.
Si PO3 Renato Valle sa nahisgotang presinto sa kapolisan nga nagdala sa warrant of arrest nga giluwatan sa korte maoy nagdakop kang Dacara kinsa diha sa ilang panimalay sa maong dapit uban sa iyang pamilya.
Ang apohan sa biktima nga maoy nangusog nga mapasaka ang kasong kalapasan sa Anti- Child Abuse Act, nagkanayon nga natingala na lamang siya sa biktima nga nagkaangkaang na nga naglakaw ug nagping-it sa kasakit sa iyang atubangan.
Nahibaw-an na lamang niya nga nanghubag ang kinatawo sa biktima nga maoy nakaaghat kaniya sa pagdala niini sa Vicente Sotto Memorial Medical Center sa dakbayan sa Sugbo.
Sa medical examination nga gihimo sa mga doktor sa nahisgotang tambalanan napakita nga gipanamas-tamasan ang biktima.
Ang biktima nga gisukitsukit sa mga imbestigador sa Women's Desk sa kapolisan sa nahisgotang presinto maoy gitug-an niini ang suspetsado nga maoy nag-among-among kaniya.