Ang Pusod usa ka charitable nga grupo nga gisuportahan ni Budoy kinsa usa usab ka Fine Arts graduate diha sa UP-Cebu.
Mismong ang tag-iya sa Kahayag Café nga si Gina Pestaño sa pakighinabi sa mga tigbalita sa telepono miangkon nga nakugang siya sa kalit nga paghubo sa mga professor sa UP ug mga tinun-an sa Fine Arts nga sakop sa Pusod.
"Lisud i-explain ang ilang gibuhat sa mga tawo wala didto gabii. These people are artist and what they did was a symbolism of who Budoy is being his true self on and off camera. Symbol to nila for Budoy's stripping of his pretensions," asoy pang Pestaño kinsa maoy keyboardist sa bandang Junior Kilat nga diin masakop si Budoy.
"Kahayag Café is artist hub and a venue for expression. Therefore, those artists who gathered here last night (Lunes sa gabii) made use of the venue to express their belief that Budoy should stay. Dili man sila bastos, naglingkod ra sila. Wala magbilangkad, basin lainon ug sabot sa uban," dugang pa ni Pestaño.
Si Budoy misikat sa Sugbu gumikan sa talagsaon kaayong talento sa pag-awit sa pinulungang Bisaya nga may tonadang reggae dugang pa ang mahulagway nga 'unique' usab niyang pamiste.
Si Budoy uban napili sa PBB uban sa duha pa ka mga Sugboanong sila si Angela Calina ug Keana Reeves. - Uban sa taho ni Maria Eleanor Valeros