Ang nagtingkagol sa prisohan mao si Edmon delos Santos, 22 anyos, ulitawo, taga Daang Lungsod, Alcoy.
Ang iyang ig-agaw nga si Marjoni delos Santos, 20, ulitawo gibuhian sa kapolisan kay gipasaylo kini sa mga biktima.
Nasikop dayon sa kapolisan ang maong mga suspetsado human mosumbong ang mga biktima nga si Randolf Sistoso, 19, taga sitio Datag,Daang Lungsod ug ang silingan niini nga si Javan Pillaso, 19.
Nabulit sa bun-og ang kalawasan sa mga biktima dihang sa way igong hinungdan gipangulata sila samtang misuroy-suroy sila sa Tingko beach resort sa Daang Lungsod nianang Miyerkules sa buntag.
Apan dihang misabay sila sa atubangan sa mga suspetsadong nangyaka sa baybayon, kalit lamang silang gidasmagan ug gikulata.