Mao kini ang panahom ni Bantay Dagat Program Director Elpidio dela Victoria Jr. kinsa maoy miduso sa hangyo sa 120 ka mga sakop sa pundok sa mga gagmay'ng mananagat sa Sawsawan (PMMS) ngadto kang Osmeña.
Ang maong suwat didto ipadala sa mga mananagat kang konsehal Leyson sa dakbayan ug giduso kini ni Leyson ngadtokang dela Victoria.
Apan tungod kay may kapungot si Osmeña sa taga Talisay, nagtuo si dela Victoria nga dili kini mosugot sa gihangyo sa mga mananagat.
Apan inigkakita niini nga giduso kini ni Leyson, malagmit malumoy ang kasingkasing sa mayor ug mosugot kini sa maong hangyo.
Kini tungod kay nasayod siya nga si Leyson molansar pagka mayor sa Talisay karong umaabot nga eleksiyon.
Matud pa ni dela Victoria nga kun mosugot ang mayor ning maong hangyo, wala na siyay ikasulti niini tungod kay naa usab kini sa balaod nga nagkanayon nga sa mga kasong ingon niini, ang tingog na sa mayor maoy angay'ng paminawon.