Tindahan sa Pier 5 nangaugdaw sa sunog

Unom ka stall nga tindahan og mga makaon ang naugdaw sa nahitabong sunog kagahapon sa alas 2:57 sa kadlawon diha sa Pier 5 atubangan sa terminal sa Supercat niining dakbayan.

Mikabat sa P50 mil ang danyos sa maong sunog apan walay gikatahong nangaangol niini.

Matud ni Fire Officer 3 Bernie Baruel sa Banat News kagahapon nga ang kalayo naggikan sa stall ni Jonathan Salinas apan giimbistigahan pa nila ang sinugdanan sa maong sunog.

Si Baruel nagkanayon nga unom ka minuto gikan sa ilang pag-alarma napatay na ang kalayo sa nahisgutang sunog ug gipaubos kini sa unang alarma.