Si Vicente Alegrado, residente sa maong lugar na knock down human maigo ang nawong sa kumo ni Venusto Barina, 55-anyos, nga iyang silingan.
Si Barina nagtingkagol karon sa Carcar detention cell.
Matud ni SPO2 Joel Pananganan sa Carcar nga nabunal ang ulo ni Alegrado diha sa karsada nga aspaltado pagkatumba niini ug nawagtangan sa panimuot.
Daling gidala si Alegrado sa Carcar Emergency Hospital apan tungod sa iyang kahimtang gibalhin sa Vicente Sotto Memorial Medical Center niining dakbayan apan gideklara sa doktor nga patay na nga naabot sa tambalanan.
Si Pananganan nagkanayon nga ang duha naglalis mahitungod sa punoan sa mangga ug gikatahapan usab nga dunay kalabutan sa yuta.
Si Pananganan midungag nga misangpot sa sinukmagay ang lalis sa duha apan napilde si Alegrado sa maong sukmagay.
Ang maong insidente gitaho sa mga paryente ni Alegrado niadtong Sabado sa hapon tungod kay giuna nila sa pag-atiman ang patay'ng lawas sa biktima.