Gikan naghatod sa uyab, gipusil

Usa ka batan-ong gikan sa nihatud pa iyang uyab ang gipusil sa tulo ka wa mailhing mga tawo nga nagsakay og motorsiklo samtang kini naglingkod sa usa ka bakery kagahapon sa kaadlawon didto sa Poblacion siyudad sa Danao.

Samad pinusilan sa luyong bahin sa iyang ulo ginamit ang wala pa matinong kalibre sa armas ang naangkon ni Rutchel Guinitanan, 20, ulitawo nga taga Barangay Tabok sa nahisgutang siyudad.

Si SPO1 Rodrigo Roble sa Danao Police Station niasoy sa Banat News nga human mihatod sa iyang hinigugma ang biktima, naglingkod lingkod sa usa ka panaderuhan dihang kalit niabot ang tulo ka mga suspek sakay sa motorsiklo. Usa sa tulo ang nipusil ka usa ka higayon.

Si Guinitanan daling gihatod sa Danao district hospital, apan gibalhin ra usab dayon sa usa ka tambalanan dinhi sa dakbayan sa Sugbo.