Mao kini gireport ni BBRC jailwarden Supt. Efren Nemenio atol sa sinimanang tigum sa Police Coordinating and Advisory Council (PCAC) kagahapon sa buntag.
Gibutyag ni konsehal Procopio Fernandez tsirman sa committee on Police Fire and Penology ug miyembro sa PCAC nga ilang gimanduan si warden Nemenio sa pag-finalize sa iyang report aron katun-an kini sa PCAC una pa pormal nga aprobahan.
Nalakip sa gitinguha sa warden mao ang paghimo og mga hollow blocks ug ingon man pagbutang og bakery sa sulod sa BBRC.
Matud sa konsehal gipasabot sila sa warden nga gawas nga makatabang kini sa mga piniriso ug jail personnel aron dunay ginagmay'ng kapanginabuhi-an makatampo usab kini aron malingaw ang mga piniriso ug dili na makahunahuna pagmugna og mga iregularidad.
Kini sama sa pagpalusot og gidiling drugas, sugal ug uban pang iregularidad diha sa maong prisuhan.
Nasayran nga kagahapong adlawa mao pay labing unang pagtambong sa warden sa tigum sa PCAC niining mohapit bulan niya karong pagdumala sa BBRC isip warden.