Kini human mimando si Arroyo kang Secretary Cerge Remonde, ang pangulo sa Government Mass Media Group, sa pagpasiugda og information campaign sa maong mga kaso.
Nagtuo si Arroyo nga daghan ang wala masayud kon unsa na ang nahitabo sa mga kaso sa pagpamatay sa mga tigbalita sa nasud human gitukod ang Task Force Newsmen sa kapolisan.
Atol sa oathtaking sa mga opisyal sa Kapisanan ng mga Broadkaster sa Pilipinas Cebu chapter sa niaging adlaw, gipahibawo ni Arroyo nga ubos sa iyang administrasyon, dunay 38 ka kaso sa pagpatay sa mga tigbalita.
May nadakpan na nga 30 ka suspek nga nag-atubang og kasong murder samtang dunay lima nga nakapiyansa sanglit homicide lang ang napasaka nga kaso.