Gitumbok sa dinakpang bayot nga si Stanley Atanosa,29,molupyo sa nahisgutang barangay ang 60 anyos nga si Lucia Gabato nga maoy nagsugo kaniya sa paglabay sa maong fetus.
Ang grupo ni SPO3 Isagani Pugoy sa pakighinabi sa Banat News mitug-an nga nagduda sila sa linihukan ni Atanosa nga nagbitbit sa maong plastik bag maong ila kining gisitar apan gikatahong misuway kini og dagan maong ilang gigukod ug nadakpan.
Apan gumikan sa pagduda sa kapolisan ilang gihiling kung dili ba mga kinawat ang gibitbit niini, apan diha nalang sila nakugang kay pag-abli pa lang nangalisbo na kini.
"Nagduda lagi basin og shabu 'tong iyang gidala o kinawat ba to kay gabii na gud kaayo, 'sus kay pag-abli namo nanimaho man pagtan-aw namo bata man, gisulod og pitsel," sumala pang Pugoy kinsa daling midakop kang Atanosa.
Mitug-an ang suspek nga gisugo siya ni Gabato sa paglabay niini ug dihang giadto ang balay niini nasugatan si Gabato diha sa gawas.
Sigun pa ni Pugoy miangkon ang suspek nga iyang trabaho ang pagpanghilot lakip na ang pagpang-abort og bata bugti sa P5,000 .
Matud pa ni Gabato nga May ang gipailang pangalan sa inahan sa fetus nga nagtrabaho og opisina sa dalan Mango Avenue ning dakbayan.
Ang Homicide Section pinangulohan ni SPO3 Zenaido Pastorfide maoy makig-alayon sa TRS alang sa pagpasaka og kaso batok sa duha ug padayong nagpangita sa walay puangod nga inahan sa maong fetus.