Sa nasayran nga mohatag si Gobernador Gwendolyn Garcia og pinansiyal nga hinabang sa mga lokal nga kagamhanan dinhi sa Sugbo nga mopadala sa ilang contingent sa Sinulog sa dakbayan sa Sugbo karong tuiga.
Nunot usab kini sa dakong tinguha ni Garcia sa pagpalambo sa turismo ug ang Sinulog festival ang nahimong kabahin na sa kalamboan niini.
Sa nasayran nga ang pagsayaw og Sinulog ang unang gihimo sa mga relihiyosong Katoliko nga nag-deboto ni Senyor Santo Nino.
Ang pagsayaw og sinulog ilang giisip nga halad ngadto sa Balaang Imahen nga giila sa mga nagdebotos nga milagroso.
Sa panahon ni Mayor Florentino Solon ug kanhi Custom Colllector Boy Odilao ilang nahunahuna ang pagpalambo sa maong relihiyosong kalihokan pinaagi sa pagpasiugda sa dakbayan atol sa tinuig niining pangilin. - Romeo T. Limpangog