Ang magtiayon nga Agapito, 57 ug Elisa Noquillo, 58, nga taga sityo Candumugdug, barangay Manguiao, lungsod sa Asturias ang nidangop sa ilang barangay kapitan.
Nadawat sa kapolisan sa lungsod sa Asturias ang taho niadtong Martes, alas 3 pasado sa hapon.
Nunot niini gisusi sa kapolisan ang uma sa magtiayong Noquillo uban sa mga opisyal sa barangay ug mga tanod.
Maoy nakit-an ang usa ka guwang na nga pinatubo nga punoan sa marijuana ug dunay 17 ka bag-o pang gitanum.
Gipangibot sa kapolisan ang maong mga tanum samtang ang magtiayon wala makaila kon kinsa ang nananum niini.
Ang kapolisan sa lungsod sa Asturias padayun pang nagsusi kon kinsa ang nagtanum sa maong mga marijuana dungan usab sa ilang kampanya batok sa pagpananum og marijuana sa mga bukirang dapit sa lungsod.