Giselusan sa kauban kinabuhi ang 'bayad

Patay diha-diha ang usa ka 37-anyos nga lalaki human kini dunggaba sa kauban niining construction worker gamit ang kitchen knife nga dunay gitas-ong 13 ka pulgada tungod sa selos niadtong Domingo sa gabii diha sa Maximino Compound, Riverside Barangay Bulacao niining dakbayan.

Ang biktimang si Chito Manipis taga dakbayan sa Toledo nakaangkon og usa ka samad dinunggaban sa walang bahin sa iyang dughan diin gituhoang maoy hinungdan sa kamatayon niini.

Ang suspetsado mao si Sergio Inanoria, 32, taga dakbayan sa Danao boluntaryong mitahan sa iyang kaugalingon sa kapolisan sa Pardo ug nadetiner karon sa Pardo detention cell.

Base sa imbestigasyon sa kapolisan sa Pardo nga si Manipis ug ang asawa ni Inanoria dunay sekretong relasyon.

Kalit nga gidunggab ni Inanoria si Manipis dihang nag-inom kini diha sa tindahan ni Judith Zarabia nga nahimutang sa lugar nga nahitaboan.